تقرير عبقري كدا نزله موقع The Information بيأكد ان نموذج Strawberry السري بتاع OpenAI - واللي متوقع يكون هو GPT-5 - احتمال كبير ينزل في سبتمبر أو أكتوبر!!!
التوقعات ف التقرير بتقول ان امكانيات "الفراولة" هتبقى خرافية ف الرياضيات وحل المسائل والمعادلات الحسابية بشكل متفوق على أي نموذج تاني خرج للنور لحد دلوقتي!!
المرعب جدا انه من فترة كان فيه تقرير طالع عن ستروبيري برضو بيقول انه بيركز ف المقام الاول على ما يعرف بالسيرش العميق Deep Research، اللي معتمد ف الاساس على انك بتطلب حاجة من الAI وهو بيروح يدعبس ف النت، ويلاقي نتايج أولية، بس بدل ما بيجي يعرضها عليك، وانت تقوله لأ مش ده اللي بدور عليه أو محتاج تركز على حاجة معينة عشان تعلي جودة الداتا اللي جايبهالك، ستروبيري هيعمل العملية دي من نفسه، ويروح يكمل سيرش عشان يلاقي بظبط اللي انت عايزه ويناسب احتياجاتك ويجاوب على استفسارك!!
يُقال ان ستروبيري هيكون أول نواة حقيقية لفكرة الAI Agents، اللي تقدر انت تطلب منها حاجة تعملهالك اونلاين، زي انها مثلا تدخل تحجزلك معاد دكتور او تذاكر طيران او ترابيزة ف مطعم، ويبقى انت عليك بس يادوب تراجع وراها اما تخلص وتدفع!
تاني حاجة بقى، OpenAI مفروض انها خلاص عرضت ستروبيري على مسؤولين في الأمن القومي الأمريكي عشان يوافقوا عليه قبل إطلاقه رسميا..
أعتقد - والعلم عند الله - ان ممكن أبل تلمّح القصة دي في مؤتمرها 9/9 بتاع آيفون 16.. أو تتكتم خالص، ويبقى مؤتمر إطلاق ستروبيري بعد الايفون بأسبوع أو اتنين بالكتير، بحيث أبل تلحق التحديث مع نزول الايفون الجديد قبل ما يوصل السوق، وده يضمن للاتنين مبيعات خرافية للآيفونات، وكمان يضمن لOpenAI انها تتمم صفقة استثمار بتقييم لقيمتها معدي.. ال100 مليار دولار 🤯😵💫 (وكلمة ف سرك، وول ستريت جورنال بتقول أن أبل وإنفيديا من أوائل المستثمرين في الجولة الاستثمارية دي).
التقرير اللي بتتكلم عنه بيشير إلى تحركات مثيرة ومهمة من OpenAI بتطوير نموذج جديد باسم "Strawberry"، واللي متوقع يكون GPT-5. لو صحت التوقعات وظهر في سبتمبر أو أكتوبر، ده هيكون خطوة كبيرة جدًا في عالم الذكاء الاصطناعي.
نموذج "Strawberry" أو "الفراولة" بيبدو إنه هيبقى متفوق جدًا في حل المسائل الرياضية والمعادلات الحسابية، يعني ممكن يكون عنده قدرات عالية في تطبيقات بتتطلب فهم عميق للرياضيات. النقطة الأهم كمان هي موضوع "السيرش العميق" أو الـDeep Research، واللي بيبين مدى تطور التكنولوجيا دي. لو النماذج الجديدة دي قدرت تعمل بحث متقدم وتتعامل مع الطلبات المعقدة بشكل ذكي من غير تدخل الإنسان، ده هيغير اللعبة بالكامل.
بالنسبة لفكرة الـAI Agents، ده فعلاً اتجاه قوي في تطوير الذكاء الاصطناعي، وهيكون له تطبيقات عملية كتير في حياتنا اليومية، زي الحجز الإلكتروني وتنظيم المواعيد بشكل أوتوماتيكي. إذا تم تطبيق التقنية دي بشكل فعّال، ممكن فعلاً تكون بداية تحول كبير في كيفية تعاملنا مع التكنولوجيا.
أما بخصوص عرض "Strawberry" على المسؤولين في الأمن القومي الأمريكي، ده مؤشر إن OpenAI بتحاول تضمن توافق النموذج الجديد مع متطلبات الأمن والسياسة الأمريكية، وده بيدينا لمحة عن مدى قوة وتأثير التكنولوجيا دي.
وأخيرًا، الربط بين إطلاق "Strawberry" وإعلانات أبل في مؤتمرها، ده ممكن يكون له تأثير كبير لو تم التنسيق بينهم. أبل دايمًا بتدور على إدخال تقنيات جديدة تميز أجهزتها، ولو استخدمت "Strawberry" في منتجاتها الجديدة، ده هيكون تغيير كبير في السوق.
م/ Mohammed Adel
