مكنتش حابب انزل عن الموضوع بس لقيته انتشر جامد و ظهرت فيه إشاعات فحابب أرد بصراحة جوجل بتدعم جميع أنواع الكيانات والأديان والمعتقدات
بداية من اليهودية والبوذية والمسيحية والبقرية والجاموسية ونهاية الى الاسلام الحنيف
لانهم ك شركة( بيراضو كل الاطراف )
ف يعني لما مواقيت الصلاة متظهرش يومين تلاتة علشان خاطر تحديث في الانظمة
مش لازم نطلع ونفتي ب "المؤامرة" الصهيونية لالغاء الصلوات الخمس وتبديلها ب صلاة الاولمبيات المقدسة 😂
اختفى فترة علشان تحديثات ورجعت تاني عادي.
قال ايه قال مؤامرة ماسونية
--
بإختصار Google علشان تجيبلك المواقيت بتستند لعدة مصادر منهم هيئة المساحة المصرية او رابطة العالم الإسلامي ..الخ من الهيئات سواء بشكل محلي او عالمي
الفكرة ان لو حصل تحديث على منصات الهيئات دي فبالتبعية هيأثر على نتائج بحث محرك Google
فباختصار و بساطة اللي حاصل مجرد Bug بدليل انك لو كتبت العصر هتظهرلك المواقيت او لو كتبت الفجر هتظهرلك بردو او لو كتبت صلاة هتظهرلك ..الخ
فالفكرة كلها ان عبارة مواقيت الصلاة عند البحث هي اللي تأثرت بخطأ ناتج عن التحديث عمل تأثير على خوارزميات محرك البحث
و كانت المواقيت شغالة على Assistant عادي
على العموم تم إصلاح الBug حالياً عند الأغلب رغم ان ما زال عدد من الناس بيعانوا من نفس المشكلة فممكن ينتظروا يوم او يومين او يحاولوا يتواصوا مع الدعم او يجيبوا المواقيت من Assistant او من اي تطبيق خارجي على الموبايل او اي موقع للمواقيت
--
طبعاً الموضوع ده مش حباً في Google هي كده كده داعمة لناس مش بنحبهم .. بس الحكاية للرد على الإشعاعات و نظريات المؤامرة بس
By : Tech Stalker & Yousef Hurf
