الاجابة اه لو انت من الناس اللى بتعمل كل حاجة الترا وتلعب تتفاجئ ان الفريم بقي ٢٥ 😂انما انت تقدر تجيب كارت وتعيش عليه جيل كامل ✅
كارت زى RTX 2070 super مماثل لاداء PS5 و XBOX Series X واللى جاب الكارت ده قبل بداية الجيل لحد النهارده ممكن يلعب كل حاجة بنفس جرافيك PS5 و XBOX Series X وريزلوشن 1440p عادى
الفكرة هنا مش انك تعمل اعلى اعدادات الفكرة انك هنا تعمل حاجة اسمها محاكاة اعدادات الكونسول
فى ڤيديوهات كتير منتشرة واكتر من قناة متخصصة انها تعمل اعدادات متوازنة تحاكى صورة الكونسول وبالتالى هتاخد ميزتين
اول ميزة انك هتجيب فريم اعلى من الكونسول لأنهم بيقفلوا الفريم عشان مينفعش مثلاً لعبة شوية جايبة ٤٣ فريم وشوية جايبة ٣٥ وشوية توصل ٥١
المطور من دول يقوم قافل اللعبة على ٣٠ فريم ويريح دماغه
انت بقي تستفاد من وجود شاشة فيها VRR فتقوم تنعم معاك الفريمات من اول ٤٨ فريم وفى شاشات بتنعم الفريم من تحت ٤٠ بس دى غالية شوية
ساعتها هتحس بسلاسة لما الفريم يتنزل ويحاكي الستين فريم
ثاني ميزة انك بالاعدادات المتوازنة تقدر تعمل مود ٦٠ فريم 🔥
ألعاب كتير على الكونسول بتنزل بمود اسمه performance تقدر انت تعمل زيه وف ألعاب مبتنزلش بيه وده بقي منتشر حالياً عشان ضيق الوقت قبل الاصدار
انت بقي تقدر تعمل مود performance ومن خلال انك توازن بين دقة الرسم الخارجة اللى هى دقة شاشتك واختيار الكواليتي بتاعت DLSS وهو نفس اللى المطور بيعمله للكونسول عشان يشغل ٦٠ فريم
خلاصة الكلام الاعدادات المتوازنة تضمن ليك انك تشتغل بنفس الكارت جيل كامل بس المهم تبقي قنوع وتعمل اعدادات مظبوطة انما شغل على كل حاجة عشان ابقي الترا وانا مشغل اللعبة بفريم باور بوينت ده الله يسهله
BY:Mohamed Ashmawy - محمد عشماوي
