دانكن
دونتس بقالها فترة كبيرة بتحاول تدخل في سوق المشروبات الساخنة والباردة
بقوة وتنافس الوحوش أمثال ستاربكس وكوستا، لأنها كانت محطوطة بقالها كتير
في بوزيشن الدونتس والحلويات والفطار السريع، وكانت ماشية بشكل كويس، لحد
ماجه الكوفيد .. والباقي نعرفه جميعاً
لكن برضو لأ لسة مش حاسين ان دي كل حاجة، في حاجة ناقصة عاوزين نعملها، الإدارة بلغت فريق التسويق ان مهمتكوا الجاية تدورولنا على اي ثغرة في السوق نستغلها.
كالعادة فريق التسويق قالك احنا نتتبع سلوك المستخدمين بتفاصيل حياتهم الدقيقة واكيد هنلاقي حاجة، وعملوا كدة فعلاً.
بتوع
التسويق قالوا المشكلة الأساسية ان الناس بقت تقلل من وجودها في اي مكان
وبقوا يعتمدوا على الاونلاين، بس برضو سوق الاونلاين في الـ Beverages مش
اد كدة، لأن الناس عندها طقوس ومواعيد لشرب القهوة مثلاً، وكل واحد كان
متعود يعدي ياخد المورنينج كوفي بتاعه ويمشي.. فالناس بقت تعمل القهوة
بتاعتها في البيت وتاخدها وتنزل او تشربها في البيت لأنهم بقوا شغالين من
البيت.
والشخص بقى يستسهل يعمل القهوة في 10 دقايق بدل مالسة
هيطلب قهوة اونلاين وينتظر انها تجيله، وبناء على التحليلات كانت أكثر
طلبات القهوة والمشروبات بتتطلب مع وجبة، مبتتطلبش لوحدها!
قالوا
بس هي دي الثغرة! الناس دلوقتي استبدلت شراء مشروباتها المفضلة
"التقليدية" من دانكن دونتس بعمل المشروبات دي بنفسهم في البيت، يبقى احنا
نغير في الاستراتيجية بتاعتنا ونعمل مشروبات جديدة محدش بيعرف يعملها في
البيت، وكدة كدة عندنا كل المعدات بتاعتنا، والمشروبات الجديدة دي مش
هتكلفنا حاجة غير التسويق ليها.
وراحوا مغيرين المنيو بتاعهم
بالكامل في فروع الولايات المتحدة، وحطوا مشروبات جديدة تماماً من مكونات
بيحبها الأمريكان، زي مثلا قهوة بالشوفان، شاي أخضر بالفواكه، ميكسات جديدة
من القهوة.. الخ
بس في نفس الوقت مكنش ينفع الاعتماد على
المشروبات الجديدة دي والتسويق ليها لوحدها، لازم يكون في عوامل تانية
مساعدة لازم تتحط في الحسبان علشان التوليفة تنجح.. العوامل المساعدة دي
كانوا حاجتين:
أولاً: الفئة المستهدفة
ثانياً: الموسم
للأسف
مش كل الناس بتحب تجرب حاجات جديدة، والتسويق للحاجات دي صعب جداً، يعني
مثلا صعب تقنع واحد مدمن قهوة انه يغير روتينه اليومي ويطلب شاي اخضر
بالفواكه بدل القهوة!
قالك هي دي الفرصة اللي هتخلينا نستهدف فئة
المراهقين اللي عاوزين نستهدفها بقالنا فترة، ودول اللي هنعرف نوصلهم
اونلاين واوفلاين بسهولة جداً..
الجيل ده هو أكتر فئة ممكن تجرب
النوع ده من المشروبات وأكيد كل واحد هيعجبه مشروب وهيبقى المفضل
بالنسباله، ده غير ان كل الشركات بتتقاتل دلوقتي على استهداف الجيل ده،
لأنه المستقبل في التسويق.
وبعد كدة الموسم، بدأوا يستعدوا لموسم
الصيف بتشكيلة من المشروبات الباردة الجديدة المنعشة اللي صعب تتعمل في
البيت واستهدفوا بيها الأماكن الحارة في امريكا.
وطبعا بنوا استراتيجيات التسويق والاعلانات بتاعتهم على المؤثرين والشخصيات المشهورة اللي بيتابعها الجيل ده..
النتيجة بقى..
- - نسبة تحميل الابلكيشن زادت بنسبة 57% في فترة 90 يوم منذ بداية العمل بالاستراتيجية الجديدة.
- - بعد ماحققت decline بنسبة 18.7% في أول شهرين من الوباء، رجعت تاني وحققت نمو في المبيعات بنسبة 22%ٌ بفضل الاستراتيجية الجديدة.
- - دانكن دونتس قدروا يحصلوا على فئة مستهدفة جديدة تماماً هيقدروا يبنتوا عليها خططهم لسنين طويلة جاية.
ومتنسوش ان من قلب المحن تأتي المنح.. بس نفكر ونخطط كويس.
#كرياتوفا #كرياتوفا_أكاديمي
