عن تجربة المعلومات الكاملة ازاى تامن على نفسك لوحدك من غير شركة ولا تكون صاحب عمل وتطلع على ال ٦٠ عشان تأمن نفسك وتاخد معاش بعد وصولك سن التقاعد الرسمي 60 سنة مثل موظفي الحكومة والقطاع الخاص.
قد يفيدك:
خطوات استخراج شهادة التجنيد للمتهربين من الخدمة العسكرية لمن تعدي٣٠سنة.
ازاي تصرف معاشك من خلال فيزا المعاشات الجديدة الخاصة بالبريد
استعادة الرقم السري لبطاقة التموين في حالة الضياع او النسيان في مصر
١- اول حاجه لازم يكون متاكد انك مش متامن عليك عن طريق برنت بالرقم التاميني
٢- علشان تامن على حالك لوحدك عندك حاجتين ملهموش تالت ( يتكون بمهنه او غير مهنه ) والاثنين لازم كعب عمل من مكتب العمل
"المهنه" هتروح لمكتب العمل ويشوفوا قياس المهارة وتروح البوسطه وشوية اجراءات بسيطة دا لو انت مثلا كهربائي - سباك - فنى - ميكانيكي ) وبيكون الاشتراك اعلى سنه من العادى بيبتدى من ١٤٥ جنية دلوقتى فى هذا التاريخ ١٠.٢٠٢١
*اما معندكش مهنه وشغال على الله زى حالاتى فهتكون حاجه من ٣ حاجات مالهموش رابع ( عامل عادى - عامل نظافة - وحاجه تالته مش فاكرها) ودى من غير اى حاجه هتاخدها بورقك العادى ( الموهل والميلاد وصورة البطاقة والجيش .. ) وبتدفع شهريا ١٣٢ جنية . وكله بالحب بيمشي
ولازم تكتب المهنه علشان رجعونى لان بتوع مكتب العمل كتبوا بكالوريوس ودا معجبش بتوع التامينات .
٣- هتروح تشترى استمارة ١١١ بتاعت الكشف الطبي من اقرب مستشفى تامين ليك وتروح بيها اقرب مكتب تامينات للقطاع الخاص ليك ومعاك كعب العمل مهم جدا وصورة البطاقة علشان يختمولك عليها بختم النسر مرتين مرة على صورتك والمرة التانية تحت علشان تعرف تكشف حضرتك فى اللجنه الطبية لانك شغال على الله مين اللى هيختملك ؟ غيرهم
٤- بعد ما تختم تتصل بالرقم اللى فى الاستمارة ١٩٨٠٦ علشان تحجز معاد للكشف وتدفع زى مانت عاوز ١٥٠ عادى و ٢٠٠ مستعجل وممكن يزيد لو انت عندك مهنه وفى كشوفات تانية ممكن تطلب ( فى حالتى علشان عامل عادى كشفت رمد وسكر وباطنه فقط )
٥- بعد ما تاخد ختم لائق كدة انت معاك الاستمارة الطبية تمام
كعب العمل تمام
صورة شهادة الميلاد تمام
صورة البطاقة تمام
الرقم التامينى تمام
تاخدهم وتطلع على التامينات وتشترى استمارة عمال مقاولات بجنية واحد وفى ورقة الموظفه هتقولك صورها اللى هيا هتبقى معاك علشان تسدد بيها كل شهر
٦- هيعملولك دوسيه بعد ما يشوفوا كل اوراقك وتعجبهم علشان ما يرجعوكش لاى افتكاسه ممكن يختروعها . زى حالاتى .
٧- هتختم الورق اللى عاملوا من شباك ختم النسر واللى هو غالبا بيبقى مع خد تبع المدير وبعدين تنزل تدفع فى الخزنة وانا دفعت شهرين ب ٢٦٤ جنية علشان المشوار ولو معاك تدفع اكتر ادفع وريح نفسك وتاخد ايصال مهم جدا تحتفظ بالايصالات طول عمرك وتورد الملف لسجل الوارد وياخد رقم .. وهناك انت لو مفهمتش حاجه اسال هناك
وبكدة تقدر تامن على حالك لوحدك وبنفسك من غير ما تشتغل عند حد ولا تشوف شركة ولا تكون صاحب عمل
BY: Ayman Atef
